gún/ë,-a

Klasifikimi: f, sh, etnogr, fig

1. etnogr
   gún/ë,-a -a(t)
   • ▸ veshje e sipërme dhe e trashë e barinjve, zakonisht me lesh dhie, e gjatë deri poshtë gjunjëve e me kapuç; #petk grash prej #shajaku të bardhë, pa mëngë, i hapur përpara dhe i gjatë deri nën gjunjë; veshje e sipërme kombëtare për burra dhe për gra, prej leshi ose prej liri, e qepur njësh si një fustan i hapur në kraharor: gunë e dhirtë; gunë pa mëngë; gusht e gunë (fj. u.) koha e dimrit kërkon veshje të trasha; mos i shiko gunën, po shikoji punën (fj. u.); rrëfen puna, s’rrëfen guna (fj. u.).
     Shiko gjithashtu: #petk, #shajaku
2. fig
   • ▸ dukje e jashtme që fsheh qenien e vërtetë; #petk. * e bëri nën gunë veproi fshehurazi; i hodhi (i vuri) gunën (diçkaje) nuk i dha zgjidhje; e mbuloi, e fshehu; mos ia hiq gunën! mos i zbulo petët lakrorit!; e kthen gunën nga fryn era është njeri i paqëndrueshëm; ia #mori gunën lumi e pësoi keq; e shtroi gunën (diku) ndenji gjatë; i zuri derën dikujt.
     Shiko gjithashtu: #petk, #mori