rri

Klasifikimi: jokal, fig, v, bised

1. jokal
   rri ndénja, ndénjur
   • ▸ qëndroj në një vend ulur, ulem; qëndroj pa lëvizur ose në një mënyrë të caktuar: rri ndenjur (përdhe, shesh); rri në gjunjë (në bisht); rri në karrige; rri drejt (shtrembër); rri në këmbë.
   • ▸ ndalem diku dhe nuk largohem për një kohë; qëndroj: rri brenda; ndenji për darkë; rri me shëndet! (ur.) mbetsh me shëndet!; / banoj për një kohë të gjatë diku; jetoj ose punoj me dikë: rri në fshat; më thuaj me kë rri, të të them se cili je! (fj. u.).
   • ▸ qëndroj në një gjendje të caktuar; nuk punoj e nuk veproj, qëndroj pa bërë asgjë (edhe në njësi #frazeologjike): rri në një vend nuk lëviz; rri gati (zgjuar); rri në pritje pres; rri si mbi #gjemba (si mbi gozhdë, si mbi #thëngjij); rri si i ngrirë, (si #hu, si pulë e lagur); rri kot (duarkryq, me duar në #ijë, me duar në gji) rri pa punë, nuk punoj; nuk veproj; ujët që rri, qelbet (fj. u.); të rrimë shtrembër e të flasim drejt! (fig.) duhet të themi të vërtetën, edhe pse s’na pëlqen.
     Shiko gjithashtu: #frazeologjike, #gjemba, #thëngjij, #hu, #ijë
   • ▸ merrem gjatë me diçka, nuk e ndërpres; qëndroj: rri e mendohem; rri mbi libra lexoj e studioj pa u shkëputur nga librat; rri rojë.
2. fig
   • ▸ mbaj një qëndrim të caktuar a sillem në një mënyrë të caktuar ndaj dikujt a ndaj diçkaje (edhe në njësi #frazeologjike): i rri me inat (rëndë, me hundë, me #turinj); i rri kundër e kundërshtoj; rri mënjanë nuk përzihem në diçka; i rri qiri (më këmbë, sus) (dikujt).
     Shiko gjithashtu: #frazeologjike, #turinj
   • ▸ mbetem një kohë të gjatë pa diçka: rri pa #pallto; rri pa bukë.
     Shiko gjithashtu: #pallto
3. v
   • ▸ III nuk më hiqet (nga sytë, nga mendja): më rri mendja (diku ose te dikush a te diçka) e kam vazhdimisht mendjen diku ose te dikush a te diçka.
   • ▸ III më vjen a më arrin deri diku; më shkon për shtat; më vjen, më bën: #palltoja i rri deri te gjunjët; i rrinë bukur rrobat; nuk i rrinë mirë flokët.
     Shiko gjithashtu: #palltoja
4. bised
   • ▸ e mbaj (fjalën, besën): i rri fjalës.