këmb/ë,-a

Klasifikimi: f, sh, spec, fig, bised, let

1. f, sh
   këmb/ë,-a -ë(t)
   • ▸ secila nga gjymtyrët e poshtme të njeriut ose të kafshëve, me të cilat ecin; veshja që mbulon këto gjymtyrë; pjesa e fundit e këtyre gjymtyrëve, nga #kyçi e poshtë; gjurma që lë diku kjo pjesë e gjymtyrëve: këmba e majtë (e përparme); ka këmbë të gjata; shputa (thembra, gishtat) e këmbës; nga #koka deri te këmbët; shkonte nga e shpinin këmbët; u ngrit (qëndroi) më këmbë (fëmija); më shkanë këmbët dhe rashë; i merren këmbët mezi ecën; e shtypi me këmbë; erdha më këmbë; kush luan këmbët, luan edhe dhëmbët (fj. u.) kush punon ha; këmbë për #baltë, gojë për mjaltë (fj. u.) ai që punon ka edhe të hajë; shtriji (zgjati) këmbët sa ke jorganin (plafin, shtratin) (fj. u.) shpenzo aq sa ke; çdo #ber varet nga këmbët e veta (fj. u.) çdo njeri e di vetë se ç’bën; më mirë të të shkasë këmba se gjuha (fj. u.) fjalët e nxituara mund të të sjellin dëm; / të ecurit ose mënyra e të ecurit; zhurma që dëgjohet kur ecim më këmbë: u dëgjuan ca këmbë; ndali këmbët ndali të ecurit; e lanë këmbët s’ecën dot; sa të ketë këmbë sa të ketë fuqi a mundësi për të ecur.
     Shiko gjithashtu: #kyçi, #koka, #baltë, #ber
   • ▸ çdonjëra nga pjesët e zgjatura poshtë si gjymtyrë, mbi të cilat qëndron diçka; këmbëz: këmbët e karriges (e tryezës, e urës); këmba e kërpudhës bishti i kërpudhës.
   • ▸ #rrëzë: në këmbë të malit.
     Shiko gjithashtu: #rrëzë
   • ▸ #shkallare: shkallë me gjashtë këmbë.
     Shiko gjithashtu: #shkallare
2. spec
   • ▸ #masë gjatësie a thellësie, e barabartë me 30.5 centimetra: pesë këmbë thellë.
     Shiko gjithashtu: #masë
3. fig, bised
   • ▸ vend ose pozitë në shoqëri a në punë: zuri këmbën e t’et; punonte në këmbë të vëllait të vet.
   • ▸ gjendje nënshtrimi; zgjedhë: nën këmbën e pushtuesit.
4. let
   • ▸ #masë vargu që përbëhet nga një grup rrokjesh, të cilat përsëriten ritmikisht (#veçori e poezisë greke e latine).
     Shiko gjithashtu: #masë, #veçori